الك وحدك يا حبي الصادق

انتي شمعة تضوي دوووم ,,,, بكل الليالي المظلمات
وانتي اجمل ذكرى عندي ,,, واحلى كل الذكريات
انتي دجلة بليلة كمرة ,,,, تغازل عيون الفرات
وانتي وردة ياسمين ,,, تضحك بنص النبات

************

من عرفتك ,, صرتي بعيوني قصيدة ,, وبيها اجمل امنيات
ومن عرفتك ,, عيد قلبي الحزين ,,, ونسى هم النايبات
واني صرت وياك دنيا ,,, تعيش بيها الكائنات
واملت روحي على يوم ,,, تعيش وياك بثبات
وحرت وياك من اسولف ,,, باي لغة من اللغات
احكي بحزني وبهمي ؟؟ لو احرك الساكنات
وعشت ايام وليالي ,, بيك اشوف احلى الصفات
واردد باسمك واغني ,,,, بكل وقت احلى اغنيات
ورروحي كلها وياك تمشي ,,تهيم وي الهايمات
تبات باربيل ليلة ,,,, وليلة بالبصرة تبات
تايها وياك بهواك ,, وتبذل اقصى التضحيات
وهذا طبع اليحب يوفي ,,, والله ياست البنات
وهذا طبع المحب يتعب ,, صدكي يا ست البنات
وصدكي لو مافي محبة ,,,, كل شي ما تسوى الحياة