مواليد الخريف

لحن البكا .. لاكنته غيمة الصوت =
اعشوشبت جدران بيت القصيده

يموت شعرويبعث الشعر بالموت =
موت الامل/برد القلوب الوحيده

احيان يصرخ ياالخوي فاتك الفوت =
ويضييع لو ماضحكة انثى تعيده

وحيان يلفي ثم يجفاك بسكوت =
ماامداك حتى قلت فرصه سعيده

بالجوع قوت.. بوطأة الحزن ياقوت =
في كل حال الشعرفكره سديده

ودك يصير بدفتر الصخر منحوت =
خل الشعر قناص وانت الطريده


(2)
طاحت حصون..وهاجر احباب غالين =
فض الزمن مامر يومن وهوسمح

سافرت في بالي اوصّّيك بعدين! =
لاخطت وصاتي :حزن ذاتي هو الدمح

بارض اليباب .. الذكريات البساتين =
ياقلب رمان الحنين الضما رمح

ولان السحاب:الدمع بعيون باكين =
ماغير طين وجوهنا انبت القمح


(3)
وجه الجنوب اجمل ملامحه ..ذكرى =
يشبه جنوب قد فتن صوت فيروز

عذرية قلوب البشر ريق عذرا =
حدت هواها لينماحدها العوز

من كنت اشوف ملامح السمر سمرا =
احس بالضحك البري يبعث اللوز

من علم الريحان في كف خضرا =
يذوي وعذره بدلت اسمها روز

مثل الزمن من علمه حين يجرا =
مايهزم الا روح من يعشق الفوز


(4)
هذي القصايد .. كنها ايام الخريف =
اجمل دفاها في ثنايا بردها

يبعث عليها شي جباااااااار ومخيف=
مااعرفه! لكنه حكاية سردها

قفر الديار ويفلق الصخر الحفيف =
شف كيف شعري مايموت بجردها

عشان من دم القوافي بي نزيف =
على دم احساسي تسامى وردها